الي كل المصريين 
إحنا شعب عمره ما بدأ من صفر
إحنا طول عمرنا بنكمّل سطر جديد فوق سطور اتكتبت قبلنا بآلاف السنين.
افتتاح المتحف المصري الكبير مش مجرد مبنى
ده إعادة فتح كتاب.. كتاب احنا أصحابه.
ده مكان بتحس فيه إن الوقت نفسه واقف احترامًا للتعب والعرق والعلم اللي اتراكم عبر أجيال.
المتحف ده مش بس للحضارة اللي كانت.. المتحف ده كمان للثقة اللي جاية.
إن عندنا قدرة إننا بنقف على أرضنا . وبنرفع راسنا  و بنقول للعالم
إحنا امّة لسه قادرة تقدّم حاجة محترمة.. حاجة أنضف.. حاجة تستحق.
ممكن نتخانق في السياسة
ممكن نختلف في الاختيارات
بس الحضارة دي ملكنا كلنا.
وإحنا كلنا شركاء في اللحظة دي..
لحظة إن حضارة بلدنا ترجع تتعرّف للعالم.. بأجمل صورة وأصدق معرض.
ربنا يحفظ مصر
ويرزقها دايمًا اللي يصون ويكمل مش اللي يهدم أو يمسح.
مبروك علينا — مبروك عليكم — مبروك لمصر.